المشاعر الانسانية في معظم الأوقات بتمنع البني ادم انه يتطلع للأعلى .. بتقيده .. بتخلي كل طموحاته انه يعيش ويعيشهم في سلام وخلاص .. كيف ستتقدم الشعوب ان بقينا مقيدين بهئه الطريقة؟
لازم الواحد يكون حر كالطير حتى يتمكن من تحقيق أهدافه بدون عرقلة .. خصوصا ان كان الضغط لطيفا للغاية .. اللطف الزائد يقتل أليس كذلك؟
احب اقولك عزيزي المتابع أن الأفكار دي اخدناها من الأشخاص اللي فعلياً موقفين حياتهم بسبب المشاعر الإنسانية .. هي المحرك وهي اللي بتوقفهم .. بيركزوا في اقل حدث ويخلوه مركز حياتهم ... ال safe zone زي مابيقولوا .. بيدخل جواها ياصديقي وكل حاجة تانية تقف في حياته.
كسل العالم متجمع في الشعوب العربية وهم دول الفئة اللي أساءوا لكلمة الحرية وضربوا بيها الحوائط لحد ما بقاش فيه حائط مستحمل الهرتلة بتاعتهم .. الناس اللي بيستسهلوا ويعتمدوا ان حياتهم كلها مشكلتها العيلة ،لما تيجي تسأله انت منجحتش ليه هيقولك بسبب العيلة ولكن عدا ذلك كنت هبقى رائد فضاء أو رئيس وزراء (بعيدة اوي :D )
الفكرة اللي بنغفل عنها ان كل دي أعذار واهية .. اللي عاوز يبقى ناجح بيبقى ناجح حتى لو عنده موانع حقيقية أو حتى لو وسط العيلة .. لأن بكل بساطة اللي بيعيقك عن التقدم والنجاح وبلا بلا هو انت يا عزيزي.
هتقولي ان كل الناس اللي نجحت بقت مشهورة لحد دلوقتي كانت لوحدها بدون قيود المشاعر الإنسانية الغبية .. ايوة معاك حق ونقدر نعدهم سوا و نتتبع سير حياتهم عارف هتلاقي ايه؟ هتلاقي ان معظمهم مات وحيد محدش كان معاه حتى الفانز بتوعه و الأغلب مات منتحر من الوحدة.
محدش بيعيش لوحده .. طبيعتنا البشرية هي اللي بتقول كدة .. عشان كدة احنا عايشين في مجتمعات منذ الإنفجار الكبير.. مسمعتش مرة عن بلد يعيش فيها رجل لوحده (غير will smith في فيلم I am legend , وده علشان كل البشر اتحولوا لزومبي).
هتعيش وحيد؟ وتبقى ذئب البراري الساموراي الغامض العظيم؟ وتحقق نجاحات الدنيا والآخرة؟ هتعيشها بالطول وبالعرض؟ برافو .. اقفل الصفحة عشان هي مش لل ultimate اللي زيك
هتجيب فلوس .. مش هتعرف توديها فين
هتنجح .. محدش هيشاركك نجاحاتك الصغيرة .. عشان محدش مهتم بيك .. الناس العامة هيشاركوك نجاحاتك الكبيرة فقط .. معروفة يعني .. هتبذل مجهود اكبر .. انبسط اه ولف العالم .. مفيش وقت عشان لازم العالم يتفرج عالنسخة الجديدة من ال ultimate ساموراي؟ هممم مشكلتك عويصة يا صديقي .. سوري نسيت ان معندكش اصدقاء
وشكرا
تصفيق حار
Comments
Post a Comment