لما يكون أكبر حدث حصل في حياتك انك تحب يبقى انت شخص مثير للشفقة وتستاهل ان الناس تستهون بيك .. لما تكون كل أفكارك متعلقة بالإرتباط وازاي تتعامل مع الشخص اللي مرتبط بيه يبقى انت حياتك كلها في خطر .. لما تبقي بنت كل خططها وتجهيزاتها معتمدة على شخص من الوارد جدا انه يمشي بأي طريقة كانت ولأي سبب كان يبقى انتي تستاهلي انك تحسي بالغصة في قلبك اللي انت بتحسيها .. ولو انت شاب لطيف مقرر انك تدخل في ريلاشن جدية وبتبدأ حرفيا انك تختصر حياتك وكل مواردك في شخص واحد فيا صديقي انك تستاهل نفس الغصة..
الحب ياجماعة الخير هو اختصار تعبيرك عن شعور إنساني و شوية حاجات حلوة ناحية شخص ما .. هو مش حياتك هو شعور من ضمن المشاعر ... مش عبارة عن بالونة بتلم فيها مشاعرك وتقفل عليها، في بعض الأحيان كمان بتختلط علينا مشاعر حلوة كتير بندخلها تحت غطاء الحب من ضمنها الثقة والوفاء والصدق والشجاعة والإهتمام .. الإهتمااام حتى ده أصبح من ضمن ذرات الحب الشنيع لدرجة تحولك إلى شخص على النقيض من كل الصفات الحلوة و تخليك تاخد وقت كبييير حتى تدرك أنها صفات إنسانية بسيطة ومشاعر يمكنك منحها لعمو البقال في الشارع عادي جدا.
الناس بتكبر أوي مسألة الحب وبتتعامل معاها على انها الشيء المنتظر الرهيب اللي ممكن يقلب موازين الكون ولكن على العكس تماما .. تصرفات البني آدمين هي اللي تقلب موازين العالم .. بسبب إعلاء سقف التوقعات
لازم نعلي سقف توقعاتنا أمال نرضى بالقليل و نبتسم إبتسامة الفقراء؟ مقولتش كدة، خليك دايما طماع وبتطلب اكتر بس بالمعقول ياصاحبي .. اؤمر بالمستطاع
بيقوك المثل: الشيء إن زاد عن حده انقلب ضده، حب بس متربطش حياتك كلها بالحب ولو حد طلب منك كده متسمعلوش بكل بساطة ، الحب حرية يعني بالبلدي انت حر تحب مين وتكره مين والشيء ده لا يقتصر على العلاقات الرومانسية ممكن تقيسه على مقدار حبك لأصحابك وتعلقك بيهم وانك تخليهم محور حياتك أو الأسوأ انكم تكونوا ملتصقين التصاق الجامد زي الشجرة بالأرض .. ممكن تقيسه على مقدار حبك لأهلك وتعلقك بيهم تعلقك بأولادك الزائد عن حده أو احتياجك للماما اللي مش طبيعي .. حب بالمعقول ياصاحبي .. ادي كل حاجة حقها عشان تعرف تتعايش في العالم البائس ده .. عندنا قصص أكبر من كدة محتاجينك تهتم بيها .. أكبر من انك ت be overwhelmed بالحاجات العاطفية وتهدر طاقتك فيها.
لحماية نفسيتك ونفسية اللي حواليك وعشان العالم مش ناقص مجانين .. مش بقولك كدة عشان تتقمص مني وتقرر تحب أشياء وتريح دماغك وتقعد تحب في اللاب توب بتاعك أو تحب كنبتك المريحة ولا تقع في غرام حلمك أو هدفك أو عمارتك أو كلبك ..
حب بالمعقووووول
ادي كل حاجة حقها .. عرف اللي حواليك قد ايه بتحبهم من غير مبالغة
الحب ياجماعة الخير هو اختصار تعبيرك عن شعور إنساني و شوية حاجات حلوة ناحية شخص ما .. هو مش حياتك هو شعور من ضمن المشاعر ... مش عبارة عن بالونة بتلم فيها مشاعرك وتقفل عليها، في بعض الأحيان كمان بتختلط علينا مشاعر حلوة كتير بندخلها تحت غطاء الحب من ضمنها الثقة والوفاء والصدق والشجاعة والإهتمام .. الإهتمااام حتى ده أصبح من ضمن ذرات الحب الشنيع لدرجة تحولك إلى شخص على النقيض من كل الصفات الحلوة و تخليك تاخد وقت كبييير حتى تدرك أنها صفات إنسانية بسيطة ومشاعر يمكنك منحها لعمو البقال في الشارع عادي جدا.
الناس بتكبر أوي مسألة الحب وبتتعامل معاها على انها الشيء المنتظر الرهيب اللي ممكن يقلب موازين الكون ولكن على العكس تماما .. تصرفات البني آدمين هي اللي تقلب موازين العالم .. بسبب إعلاء سقف التوقعات
لازم نعلي سقف توقعاتنا أمال نرضى بالقليل و نبتسم إبتسامة الفقراء؟ مقولتش كدة، خليك دايما طماع وبتطلب اكتر بس بالمعقول ياصاحبي .. اؤمر بالمستطاع
بيقوك المثل: الشيء إن زاد عن حده انقلب ضده، حب بس متربطش حياتك كلها بالحب ولو حد طلب منك كده متسمعلوش بكل بساطة ، الحب حرية يعني بالبلدي انت حر تحب مين وتكره مين والشيء ده لا يقتصر على العلاقات الرومانسية ممكن تقيسه على مقدار حبك لأصحابك وتعلقك بيهم وانك تخليهم محور حياتك أو الأسوأ انكم تكونوا ملتصقين التصاق الجامد زي الشجرة بالأرض .. ممكن تقيسه على مقدار حبك لأهلك وتعلقك بيهم تعلقك بأولادك الزائد عن حده أو احتياجك للماما اللي مش طبيعي .. حب بالمعقول ياصاحبي .. ادي كل حاجة حقها عشان تعرف تتعايش في العالم البائس ده .. عندنا قصص أكبر من كدة محتاجينك تهتم بيها .. أكبر من انك ت be overwhelmed بالحاجات العاطفية وتهدر طاقتك فيها.
لحماية نفسيتك ونفسية اللي حواليك وعشان العالم مش ناقص مجانين .. مش بقولك كدة عشان تتقمص مني وتقرر تحب أشياء وتريح دماغك وتقعد تحب في اللاب توب بتاعك أو تحب كنبتك المريحة ولا تقع في غرام حلمك أو هدفك أو عمارتك أو كلبك ..
حب بالمعقووووول
ادي كل حاجة حقها .. عرف اللي حواليك قد ايه بتحبهم من غير مبالغة
ودمتم
ملحوظة: متحاولوش تسقطوا الموضوع عليكم شخصيا ولكن الإسقاط شيء لا إرادي في النفس البشرية .. حاول بس تبقى عقلاني لمرة وكفى
ملحوظة: متحاولوش تسقطوا الموضوع عليكم شخصيا ولكن الإسقاط شيء لا إرادي في النفس البشرية .. حاول بس تبقى عقلاني لمرة وكفى
Comments
Post a Comment