من ساعة ما رجعت من الحج وانا محتارة اكتب شعوري ولا اكتب اللي حصلي هناك ومحتارة برضه انزله ازاي بس قررت اكتب اللي يجي في بالي وخلاص وربنا يخليلنا النت :Dكان نفسي فيها فعلا وكنت عارفة انه صعب جدا بس على اخر لحظة ربنا ناداني ويسهرها فرحت جدا ودعيت ربنا انه يتقبلها وبس ونويت اني هساعد اي حد في سكتي مهما كان طلبه .. زي ماربنا سهلهالي لازم اعمل اي حاجة للناس اللي حواليا وافرحهم ، رغم انها كانت ايام متعبة جدا وصلت فيها لدرجة التعب كبيرة اوي بس اكيد ده عند ربنا واي زلة او سهو مني هيغفر .كانت رحلة روحانية ومكانش فيها ذرة رفاهية .. كانت بتعدي ايام باتتها في الشارع مش في خيمة مريحة زي باقي الحجاج .. كان الأكل بيوصلي نضيف ومن غير مجهود ،، كان فيه كل الجنسيات من انحاء العالم وكل فئات البشر .. الأسيويين اللي بيزاحموا والأفارقة والعرب واللي مش عرب واللي جايين حجة مرتاحة واللي جايين بمشقة والفقرا والأغنيا .. كان كل اللي يجمعنا كلمة لا إله إلا الله رغم اني مكنتش بفهم معظمهم بس كنت بحاول بقدر استطاعتي اساعد المحتاجين منهم وكان فيه مساحة كبيرة من الوقت للعبادة والدعاء ..مع كل حاجة حصلت في الرحلة كان فيه سمو روحي وراحة كبيرة جدا رغم التعب والارهاق ورغم تدافع الحجاج الا انها كانت دايما بتلاقي طريقهاالرحلة الروحانية دي مينفعش تتحكي عشان مفيش حاجة فيها تتحكي كله بيتحس في لحظتها .. لما تحس ان ربنا مش عاوزك تمشي .. لما تيجي تطوف الوداع واول ماتشوف الكعبة تدمع وتحس انك مش عاوز تسيبها .. لما كل ثانية تعدي عليك تبقى مستخسرها من غير ذكر ... لما تحس ان صوتك بيحلو لما تقرا القرآن ... وعن لهفتك بقى ان الادان يدن وتلاقي نفسك بتصلي بمشقة من كتر التعب بس متحامل ومتأكد ان ثوابك عند ربنا .. لما تبقى غيران من اي حد بيذكر اكتر منك ولا متلهف اكتر منك ... ولا عن اي حد كبير في السن وانت تساعده وتلاقيه بيبتسملك بس .. ولا لما تكظم غيظك لما حد يحاول يدايقك .. ولا تبقى مستحمل المشقة ومش راضي تيجي على حد عشان متزودش الحمل عليه .. لما تعفو عند المقدرة .. لما تلاقي ربنا سهلك حاجات كان نفسك فيها .. لما تكون اذنبت كتير كتيييييير وربنا غسلك من الذنوب دي وترجع زي الطفل كما ولدته امه ..
كل ده عشان هو بيحبك ... محدش ييأس من رحمته دي وسعت كل شئ ❤️❤️ربنا يكتبهالكم يا أعزائي وتحسوا نفس الحلاوة اللي حستها xx
Comments
Post a Comment