متابعيني الأعزاء حبيت اشارك معاكم السنادي ملخص 2018 زي باقي الناس ..
ملحوظة: الكلام ده مفيهوش اي حاجة ممكن تفيدك فا لو داخل بتدور على محتوى مفيد فا اتفضل اطلع برة .. لو فاضي جدا وبتدور على تسلية فا احنا دمنا تقيل ومش هتنبسط للأسف ،، أما لو كنت احد آعضاء النادي فا أدخل الكود الخاص بك وتفضل
كان عاماً مليئاً بالامبيديد سيستم ..
اه والله السنة كلها كانت عبارة عن امبيديد سييتم فقط .. معملتش اي حاجة تانية ،لأ مش بقول انجازات بقول اللي عملته
كنت من اول السنة لآخرها بطور نفسي في المجال وبزاكر وبقدم في شركات وبترفض وبحبط وبكتئب وبعدين اقوم نفسي واقول متستسلميش .. جالي وقت كبير خلال السنة مكنتش عاوزة اقوم خالص ولا كنت عاوزة اعمل حاجة ..
حرفيا، كرست السنة من اولها لآخرها لفقط للمجال اللي عاوزة اشتغل فيه .. مش عاوزة اقولكم انه كان عاما مليئا بالاحباطات ... اه كان مليئا بالاحباطات بس كان فيه مضادات للاحباطات دي واتعلمت كتييير برضو .. اي نعم انا قفلت على نفسي من مروحات النفس والعلاقات الجديدة بس شوفوا الجانب المشرق .. انا قدرت اكرس سنة كاملة بدون فواصل للمجال اللي حباه .
كانت دي خطتي في 2017 اني ادي المجال ده كل فرصه للآخر .. وعملت كدة
انا عارفة ان ممكن يكون كلامي sisy اوي بالنسبة لناس تانية بتعافر و بتصبر اكتر من كدة بس دي فروقات شخصية ياجماعة ومش كاتباه عشان تتعظوا لا سمح الله .. اللي عنده هدف بيعافر عشانه لآخر نفس مش يقول انا قعدت سنة ويعظم ويبجل في نفسه ..
بس اللي حصل اني قعدت افكر عملت ايه السنة دي زي أي بني آدم اكتشفت اني معملتش اييي حاجة تانية غير الامبيديد سيستم .. معملتش حاجة تانية من جوانب الحياة اللي بشوفها مهمة جدا .. انا بحب المجال اه بس عندي حاجات تانية بحبها ومعملتهاش .. كنت ضاغطة على نفسي وعلى أعصابي ومشوفتش باقي الحاجات المهمة جدا حواليا .السنة خلصت وأكبر انجاز كان لعبة المزرعة ومسلسل فريندز اللي كنت بهرب بيهم من الاحباط.
قاعدة دلوقتي بسأل هو الشغف بيعمل كدة؟ بيخليك متستمتعش بحياتك لمدة سنة كاملة وتقعد محبط جدا عشان مأنجزتش فيه؟
اللي اعرفه ان الشغف مش بيخليك محبط ده هو اللي لما تكون محبط بتعمله .. بس انا في آخر السنة اهو بقولكم اني قدرت اصنفهم بطريقة مهمة (وممكن تكون اقتباس فا ماتخدوش في بالكم :D)
الشغف والهدف والحلم : التلاتة مختلفين تماما عن بعض
ممكن تلاقي شغفك بس وتبقى مبسوط او حلمك بس او هدفك بس
ممكن يجتمعوا وممكن لأ ..
الشغف هو الحاجة اللي بتبقى مبسوط وانت بتعمله
الهدف هو الحاجة اللي هتبقى مبسوط لما تعمله
الحلم هو الحاجة اللي بتبقى مبسوط بيه من قبل ماتعمله
اكتشفت مؤخرا اني مش لوحدي اللي مزنوقة في المعضلة دي وان ناس كتيير جدا بتحاول وبتقع برضو والأقوياء منهم هم اللي بيقوموا تاني .. اكتشفت ان كتير بيحاولوا ويعافروا وبيجيلهم نفس الاحباط وبيصبروا نفسهم بنفس الكلام .. في الأول انبسط اني لقيت حد بيعزف على نفس اللحن معايا بس لما ركزت لقيت انه موضوع محبط وشوية وهنعمل نادي المحبطين اللي بيحاولوا يوصلوا لأحلامهم بس معرفوش.
بيجي الوقت المستقطع اللي بتلاقي كل حاجة في حياتك في حالة انتظار اللي هو بتكون واقفة حررفيا كأنك داخل جوة فجوة زمنية ومتعرفش هتطلع منها امتى .. الحالة دي صعبة جدا وآول مرة ف حياتي أمر بيها .. ممكن اكون مريت بجزء منها أو مريت بيها بس لوقت قصير قبل كدة بس دلوقتي الفترة طويلة إلى حد ما .. مش عاوزة ابقى جاحدة وانكر النعم والأفضال اللي انا فيها دلوقتي الحمد لله دايما وجدا وابداً
انا كنت بستغرب الناس اللي بتشتكي من الفترة دي وبقول ماهم عندهم وقت للراحة ،وقت اللاشيء اللي من غير مسؤليات ومشاكل وهموم .. بس برد على نفسي واقول هو احنا كدة عايشين!!
قريت في مرة ان الموضوع سهل جدا بس احنا اللي معقدينها .. فعلا التعقيد بيجي مننا .. احنا اللي بنصر على حاجة وموقفين الدنيا كلها عليها والحاجة دي مهما بلغت درجة أهميتها بس اكيد من غيرها لسة عايشين وبنتنفس وعندنا نعم تانية وأكيد مع حفظ الأهمية بس هي مش بأهمية انك تضيع سنة كاملة من غير ماتستمتع بحياتك.
أخيراً عزيزي القاريء اللي مفيش وراه حاجة لدرجة انه يقرى شوية هرتلة من نملة فا انا مش بقول الكلام ده عشان تطلع منه بعظة .. اكيد لا يمت لك بأي صلة ولو حصل فا ابتهج انت كدة انضميت للنادي السري بتاعنا ،تواصل مع الإدارة عشان تاخد الرمز السري للدخول
كل اللي بحاول اقوله هو شوية هرتلة خاصة بمنسوبي النادي بتاعنا .. لو مفهمتش حاجة اقرى تاني او اقفل المدونة خالص وخليك في حالك.
دمتم ^^
ملحوظة: الكلام ده مفيهوش اي حاجة ممكن تفيدك فا لو داخل بتدور على محتوى مفيد فا اتفضل اطلع برة .. لو فاضي جدا وبتدور على تسلية فا احنا دمنا تقيل ومش هتنبسط للأسف ،، أما لو كنت احد آعضاء النادي فا أدخل الكود الخاص بك وتفضل
كان عاماً مليئاً بالامبيديد سيستم ..
اه والله السنة كلها كانت عبارة عن امبيديد سييتم فقط .. معملتش اي حاجة تانية ،لأ مش بقول انجازات بقول اللي عملته
كنت من اول السنة لآخرها بطور نفسي في المجال وبزاكر وبقدم في شركات وبترفض وبحبط وبكتئب وبعدين اقوم نفسي واقول متستسلميش .. جالي وقت كبير خلال السنة مكنتش عاوزة اقوم خالص ولا كنت عاوزة اعمل حاجة ..
حرفيا، كرست السنة من اولها لآخرها لفقط للمجال اللي عاوزة اشتغل فيه .. مش عاوزة اقولكم انه كان عاما مليئا بالاحباطات ... اه كان مليئا بالاحباطات بس كان فيه مضادات للاحباطات دي واتعلمت كتييير برضو .. اي نعم انا قفلت على نفسي من مروحات النفس والعلاقات الجديدة بس شوفوا الجانب المشرق .. انا قدرت اكرس سنة كاملة بدون فواصل للمجال اللي حباه .
كانت دي خطتي في 2017 اني ادي المجال ده كل فرصه للآخر .. وعملت كدة
انا عارفة ان ممكن يكون كلامي sisy اوي بالنسبة لناس تانية بتعافر و بتصبر اكتر من كدة بس دي فروقات شخصية ياجماعة ومش كاتباه عشان تتعظوا لا سمح الله .. اللي عنده هدف بيعافر عشانه لآخر نفس مش يقول انا قعدت سنة ويعظم ويبجل في نفسه ..
بس اللي حصل اني قعدت افكر عملت ايه السنة دي زي أي بني آدم اكتشفت اني معملتش اييي حاجة تانية غير الامبيديد سيستم .. معملتش حاجة تانية من جوانب الحياة اللي بشوفها مهمة جدا .. انا بحب المجال اه بس عندي حاجات تانية بحبها ومعملتهاش .. كنت ضاغطة على نفسي وعلى أعصابي ومشوفتش باقي الحاجات المهمة جدا حواليا .السنة خلصت وأكبر انجاز كان لعبة المزرعة ومسلسل فريندز اللي كنت بهرب بيهم من الاحباط.
قاعدة دلوقتي بسأل هو الشغف بيعمل كدة؟ بيخليك متستمتعش بحياتك لمدة سنة كاملة وتقعد محبط جدا عشان مأنجزتش فيه؟
اللي اعرفه ان الشغف مش بيخليك محبط ده هو اللي لما تكون محبط بتعمله .. بس انا في آخر السنة اهو بقولكم اني قدرت اصنفهم بطريقة مهمة (وممكن تكون اقتباس فا ماتخدوش في بالكم :D)
الشغف والهدف والحلم : التلاتة مختلفين تماما عن بعض
ممكن تلاقي شغفك بس وتبقى مبسوط او حلمك بس او هدفك بس
ممكن يجتمعوا وممكن لأ ..
الشغف هو الحاجة اللي بتبقى مبسوط وانت بتعمله
الهدف هو الحاجة اللي هتبقى مبسوط لما تعمله
الحلم هو الحاجة اللي بتبقى مبسوط بيه من قبل ماتعمله
اكتشفت مؤخرا اني مش لوحدي اللي مزنوقة في المعضلة دي وان ناس كتيير جدا بتحاول وبتقع برضو والأقوياء منهم هم اللي بيقوموا تاني .. اكتشفت ان كتير بيحاولوا ويعافروا وبيجيلهم نفس الاحباط وبيصبروا نفسهم بنفس الكلام .. في الأول انبسط اني لقيت حد بيعزف على نفس اللحن معايا بس لما ركزت لقيت انه موضوع محبط وشوية وهنعمل نادي المحبطين اللي بيحاولوا يوصلوا لأحلامهم بس معرفوش.
بيجي الوقت المستقطع اللي بتلاقي كل حاجة في حياتك في حالة انتظار اللي هو بتكون واقفة حررفيا كأنك داخل جوة فجوة زمنية ومتعرفش هتطلع منها امتى .. الحالة دي صعبة جدا وآول مرة ف حياتي أمر بيها .. ممكن اكون مريت بجزء منها أو مريت بيها بس لوقت قصير قبل كدة بس دلوقتي الفترة طويلة إلى حد ما .. مش عاوزة ابقى جاحدة وانكر النعم والأفضال اللي انا فيها دلوقتي الحمد لله دايما وجدا وابداً
انا كنت بستغرب الناس اللي بتشتكي من الفترة دي وبقول ماهم عندهم وقت للراحة ،وقت اللاشيء اللي من غير مسؤليات ومشاكل وهموم .. بس برد على نفسي واقول هو احنا كدة عايشين!!
أخيراً عزيزي القاريء اللي مفيش وراه حاجة لدرجة انه يقرى شوية هرتلة من نملة فا انا مش بقول الكلام ده عشان تطلع منه بعظة .. اكيد لا يمت لك بأي صلة ولو حصل فا ابتهج انت كدة انضميت للنادي السري بتاعنا ،تواصل مع الإدارة عشان تاخد الرمز السري للدخول
كل اللي بحاول اقوله هو شوية هرتلة خاصة بمنسوبي النادي بتاعنا .. لو مفهمتش حاجة اقرى تاني او اقفل المدونة خالص وخليك في حالك.
دمتم ^^
Comments
Post a Comment