coolest people on the earth

لما كنا صغيرين كنا بنشوف اهالينا the coolest people on the earth وان مفيش حد زيهم ولما يسألونا نفسك تبقى تبقى ايه؟ نقول زي ماما او بابا على حسب اللي شايفينه cooler اكتر .. بس السنين بتعدي بسرعة جدا وبنكبر وبنبدأ نشوفهم عاديين زي باقي الاهالي ومع اول مشكلة بنحس ان مافيش تواصل وانهم بقوا cool مع الناس كلها واحنا لا .. وبنكبر اكتر وبنمشي في اتجاهات تانية ممكن احسن او مش احسن بس هي فترة ال cooling بتاعتنا اننا بنبان فيها وعندنا طاقة لكل حاجة وفي نفس الوقت هم طاقة ال cooling بتاعتهم بتقل وتبدأ تعتبرهم مش موجودين أو موجودين للفايدة لو كنت بقيت كول بس مش عارف تستغنى طلباتك منهم  .. الفترة دي بتبدأ تستوعب كل حاجة لأول بتكتشف ان الحد اللي كان كول زمان و بتقلده ف كل حاجة عشان هو قوي مثلا او عشان بيجيبلك هدايا كتير ولا عشان هو كول في نفسه وخلاص هتكتشف انه في الاساس عادي فعلا وانه كانت بتواجهه نفس المشكلات بتاعت اي حد في فترته وممكن كمان تكتشف خبايا شخصيته اللي عشان هو كان كول مكانش بيقدر يبينها و إن هالة الكول دي كانت بفعل المرحلة العمرية اللي سعادتك فيها دلوقتي مش اكتر وانك كنت بتنبهر عشان كنت طفل أو مراهق  بتنبهر بأي حاجة .مش عارفة الحاجات دي بتكتشفها بسبب انك وصلت للمرحلة دي وبدأت تشوف حقيقتها انها مش كول ولا حاجة ولا انهم بدأوا يوضحولك كل حاجة بنفسهم ولا لما طاقة ال cooling قلت مبقوش قادرين يداروا  ... هتختلف مشاعرك تجاه الموضوع ده على حسب شخصيتك إما هتتعامل بلا مبالاة تجاه الموضوع يعني تقول وانا مالي المهم انهم عايشين لسة وان الموارد اللي بزود بيها الcooling بتاعتي موجودة زي ماهي ومش بتقل وده كدة أناني مدلل اوعى تكون كدة ، أو هتتعامل بحساسية شديدة مع الموضوع وتبقى زعلان ان الحد ده مبقاش زي الأول وده يكأبك ويقلل نسبة الcooling عندك واحنا مش ناقصين .. الشخص ده مبسوط باللي هو فيه واحتمال كبير ميكونش مستوعب ان نسبة الcooling قلت ، بس هو شايفك انت ومبسوط بيك وشايف فيك نفسه ،، عشان انت ماشي على خطاه عشان انت كنت شايفه cool طول حياتك ودايما بتفكر باسلوبه وبتقلده ف كل مرحلة من حياتك بقصد او بغير قصد ... فا متكتئبش عشانه بالعكس خليك شايفه كول زي زمان عشان المرحلة اللي هو فيها انت هتبقى فيها في يوم من الأيام ومتتأففش من طلباته الكتير او حبه الزيادة او اهتمامه اللي بقى يخنق لأنه يمكن يكون شايف فيك نفسه وده اللي بيخليه لسة عنده طاقة cooling اللي بيحولها لطاقة cooling بتاعت كبار وتشوف اكتر حد كول في الكبار ويجي ابنك يشوف اجمد حد في كل حتة في العالم وهكذا وهكذا :D

اعزائي المتابعين اكيد سعداء اني رحمتكم من مقدمة طويلة افكارها متداخلة بحاول اجمع فيها شتات افكاري واحيانا يؤدي الموضوع الى فكرة أخرى ... واكيد سعداء بعودتي << وانا كمان بالمناسبة ترقبوا تدوينات جديدة لأن المسودة لم تعد تحتمل :))