المرة دي خالية من الروحانيات والمشاعر والحاجات الحلوة
التدوينة المرة دي موجهة ومقصود بيها ناس معينين ..
الناس التنحة .. اه ده اللقب اللي بالظبط مناسبهم
الناس دي عاملة زي الأنعام مهما حاولت توصلها او تفهمها اللي جواك بيفضلوا زي ماهم بتناحتهم وغبائهم .. بيحاولوا يستنفذوا اللي باقي من روحك وبالتالي مجهود كبير لازم تبذله عشان تفهمهم قد ايه هم بيستنفذوا من روحك
يعني معلش يافندم حضرتك تعبان وعندك مشاكل نفسية بتوزع مشاكلك عالشعب ليه؟ فينا اللي مكفينا والله
بيتعاملوا بغشومية في كل حاجة بدون مراعاة حرفيا للأذى النفسي اللي بيسببوه اقل حاجة منهم او ربما أكبرها هي انهم يخلوك طول الوقت حاسس وحش لنفسك .. بيوصلوك لدرجة انك بتبقى كاره كونك نفسك ويخلوك ترجع تتسائل في حاجات كانت خلاص مفروغ منها .. كل ده عشان ايه؟ عشان البيه عنده فراغ قاتل يقتل بيه البني ادمين
انا بكتب الكلام ده وانا في غاية الهدوء .. اه 🔪😈
بعد كل ده انا توصلت لأسباب وصول تلك الكائنات للمراحل الخطيرة دي للعلم برضو وعشان كمان غيرهم يتعلم من اخطاء غيره و ميوصلهاش ،متخافوش يا اعزائي لم اغفل عن طرق التعامل معهاها :D
السبب الرئيسي هو الضغط والكبت : ايوة دي حقيقة انا متعاطفة معاهم لحد نسبة معينة ،الضغط والكبت ده بيستمر لفترة طويلة من حياتهم وبيروح من عندهم فجأة أول مايحسوا بشوية حرية وده برضو يرجع لتربيتهم المنغلقة بطريقة خاطئة وتخلي كل توجيهات الحرية عندهم واحدة او في مكان واحد وده طبعا برضو بسبب بيئتهم اللي المفروض اكتر بيئة منضبطة بس دي معلومة خاطئة جدا بسبب انتشار الحالة دي في نفس البيئة.
سبب آخر وهو التعامل بأسلوب خاطيء مع المشكلات والظروف والنفسيات وده طبعا يرجع لقلة خبرتهم عشان طول عمرهم معتقدين انها مضيعة للوقت وعمرهم مافهموا انها أساس العلاقات في عصرنا الحديث. وده بيدخلهم في تساؤلات في منتهى الغباء زي مثلا: "انت زعلت؟؟"
عامل اساسي جدا هنا في اي موضوع من مواضيع العصر والمغرب :D وهو 'الانبهار'
ايوة ياسادة ف 99% من اسباب فشل العلاقات عمتا وبعيدا عن هذا الموضوع هو الانبهار .. انبهارك بالشخص ده من حيث شكله او اهتماماته او نسبة ذكاؤه دليل على السطحية للاسف بسبب طبعا اغلب البشر بيقعوا فيه لاشعوريا .. برجوعنا الى الكائن التنح ،فهو من اكبر المعرضين لهذا العامل تحديدا وده برضو لنفس الاسباب المذكورة سلفا وطبعا ينتج اضرار فادحة في علاقته بالطرف الاخر .
ننتقل الى الحلول والتقنيات في التخلص من هذه الكائنات
"تبعد عنه كل البعد بكل الوسائل التقليدية والحديثة واحذر أمثاله في المستقبل"
ودمتم :))
ودمتم :))
Comments
Post a Comment