هي حاجة من الاتنين: اما انك تراقبيني عشان الخزين بتاعي أو أنك نملة مخبولة و عاوزة تديني النص التاني: قال نمول .
بصتله نملة ومقالتش كلمة وبصت على بيته من جوة ،عجبها جدا وعجبها مدى تشابهه لبيتها وكان عنده خزين مارشمللو كتير وسكر وسنيكرز ... وحاجات كتير من اللي هي بتحبها. انبسطت جدا بس مرضيتش تبين عشان هي عارفة انه اكيد هيخاف على خزينه منها.
قالتله: انا كنت عايشة هنا قبل كدة و أخدني الفضول اني اعرف مين سكن الجحر ده بعدي .. همم، شكلك جديد هنا بس مش جديد في عالم الناس، انت بتعرف ازاي تتعامل معاهم كويس جدا :قالت نملة
رد نمول وهو يشير بأن تدخل لتناول شيء ما : انا كنت ساكن في شق بعيد وكان حواليا نمل تانيين وعناكب وصراصير بس حبيت اعيش بعيد لوحدي .. يظهر اني مش هعرف اعيش لوحدي ابدا فالمنطقة مليئة بالنمل الفضولي زيك :/
شدت نملة طرف من أطرافه الستة وقالتله تعالى هوريك بيتي وبكدة مش هتكون خايف عالخزين بتاعك مني :)
اتمشو سوا لحد بيت نملة واتكلموا عن الناس وعن النمل التانيين حست نملة بتشابه كبير بين قصته وقصتها و انها مش لوحدها اللي بتعاني من الناس.
لما وصلوا بيتها اتفاجئ نمول بكمية الخزين اللي عندها اللي فيه اغلب الحاجات اللي هو مخزن منها .. هو كان حاسس ان نملة مختلفة عن باقي النمل وانهم متشابهين جدا بس كعادة نمول مش بيثق في إحساسه فقط من بعد الحادثة التي أصيب بها عندما كان صغيرا أثرت على قرون استشعاره ... من ساعة ما ترك عالم النمل و هو ينتقل من مستعمرة للتانية في عالم الناس .. قعد مع نمل كتير، بس كان دايما النمل أسوأ من الناس، كان يسرق منه خزينه وكانوا بيسغلوه عشان يجمع خزين الشتاء ليهم في. مقابل انه يقدر ينضملهم .. لحد ما جه اليوم اللي قرر فيه ياخد خزينه و يرتحل لمكان لوحده مفيهوش نمل
ووصل بيه الحال انه يسكن مكان مفيهوش غير نملة ...
وشوية ناس...
يتبع ..
Comments
Post a Comment