انبسطت نملة بوجود جارها الجديد "نمول" و أصبحا كل يوم يعملوا مغامرة مختلفة لجمع الطعام واكتشاف المدينة وعالم الناس وكان أكتر الأنشطة المفضلة إليهم جمع الطعام وبالذات السكر عشان هو أكتر حاجة موجودة في عالم الناس .. و اصبح عندهم خزين كبير من السكر .. على الرغم من ذلك كان كل من نملة و نمول حريصين جدا على خزينهم ومش عاوزين يشاركوا بيه حد ولا حتى يشاركوا بعض .. كانوا مبسوطين كدة، بينبسطو ويعملوا مغامرات مع بعض بس بعيد عن الخزين وخصوصا ان الشتا داخل :)
رغم التشابه الكبير بين نمول ونملة وحبهم للسكر والمارشمللو بس الاتنين مكانوش مأمنين لبعض خالص وكانوا دوما يقسموا غنائمهم بس ميتشاركوش فيها مع بعض .. نملة اتمنت من جواها انهم يكونوا اصحاب بس كانت خايفة يكون طمعان في الخزين بتاعها ونمول كمان كان نفس القصة
وفضل الحال كما هو، يغامرون مع بعض و يصطادوا السمك ويقسموا الغنائم ..
إلى أن جاء اليوم المتوقع ...
استيقظت نملة كعادتها وذهبت إلى جحر نمول لتوقظه ويقوموا باستكشاف بيت الناس المهجور اللي اتفقوا يروحوا يستكشفوه سوا ..
ولكن ..
وجدت الجحر مهجور والمخزن فاضي وفيه بواقي سكر :(
يتبع ..
Comments
Post a Comment