لاحظت في الايام الاخيرة ان الزعل والاكتئاب متعبين اكتر من الفرحة والانبساط .. لا انا قصدي physical يعني كل الآلام اللي في جسمك هتصرخ عليك ووشك هيبقى ممنوع من النور والجمال .. نفسك يبقى تقيل وروحك تقيلة اوي على جسمك لدرجة انك بتتحرك ببطء وهتنام 24 ساعة ,ده غير ان الموضوع معدي بطريقة وحشة اوي لدرجة ان الناس الحلوة اللي حواليك بيظهر عليهم كل الاعراض دي وده يخليك تكتئب اكتر وتفكر في كل المآسي في حياتك لدرجة ان لو البيبسي خلص من التلاجة ممكن تعيط طول الليل ..
افرحوا ياجماعة حتى لو بالعافية .. ربنا مدينا حاجات كتير تستاهل انك تفرح عشانها
مش تنمية بشرية بس مش حابة اشوف اللي بحبهم يتألموا كدة
شوف حبايبك اللي اتسببت في اكتئابهم ومش عارف تساعدهم وانبسط وابسطهم واحضنهم وفرحهم :))
Comments
Post a Comment