طول الفترة اللي قضتها نملة عند الناس مكانتش عارفة تنسجم معاهم ولا كانت زيهم ولا عرفت تكون زيهم وكل ماتلاقي حد شبهها يرجع في الاخر لاصله (انه من الناس) .. لحد مازهقت منهم وفكرت ترجع لعالمها البسيط الهادي حيث اهلها وصحابها الحقيقيين والكائنات الطيبة عايشة في هدوء بتشتغل في اتقان ولما يجي الشتا ياخدوه كله نوم ويصحوا يكملوا شغل تاني ..
اخدت قرار انها ترجع عالم النمل وحزمت امتعتها وسافرت لعالم النمل
اول ماوصلت لاقت ترحاب كبير من النمل والنحل والعناكب والخنافس وكل صحابها الحشرات ^^ كانت مبسوطة انها رجعت بيتهم بس كان فيه حاجة ناقصة .. كل الكائنات استقبلوها وسلموا عليها ورجع كل واحد عند الشباك بتاعه
اندهشت نملة من الشبابيك السحرية اللي انتشرت ..حتى النمل الصغير بقى ليهم شبابيك صغيرة , حست نملة بنفس التوهان اللي كانت حساه في عالم الناس ..بصت على المخزن الرئيسي لقته فاضي مفيهوش خزين للاكل والشتا داخل وده خلى معظم النمل يسرق جيرانه الحشرات التانية عشان مش فاضيين يدوروا على اكلهم بنفسهم ونمل كتير منهم هاجر من العالم ده وراح يعيش في عالم الناس عشان يبقى الاكل والشرب سهلين وكمان يقدروا يشوفوا من شبابكهم وقت اطول
نمل كتير هاجر لعالم الناس ورجع تاني بحيل سحرية جديدة وتنتشر في العالم الهادي لحد ما مابقاش هادي .. وبقى نسخة مصغرة من عالم الناس ,, فكرت نملة في حل عشان ترجع عالمها زي ما كان فهي فهمت أخيرا ان النمل لايمكن أن يكون زي الناس جمعت قوتها وشجاعتها وراحت للملكة الأم تفهمها خطورة الموضوع وان النمل مبقاش بيشتغل زي الأول وبقى يهتم بالشباك السحري أكتر منها ولكن عادت بخيبة الأمل ،، فقد كانت الملكة الأم منشغلة بشباكها السحري المزخرف الذي صنع خصيصا لها ولم تبال بكلام نملة .. لم تعرف نملة ماذا تفعل حتى جلست بجانب عجوز غريب على صخرة تفكر في حل ،، فسمعته يتكلم فلم تنتبه له ربما كان عجوز خرف يكلم نفسه أو يكلم شخص خيالي ... ولكنه سمعته يتذمر من الشبابيك السحرية وأن الحل هو تدمير بئر الأماني .. فقالت له نملة: ماهو بئر الأماني؟ فقال لها: انتي نملة صغيرة لن تقدري على الوصول له فهو في عالم الناس العمالقة وسوف يفعصوكي إذا رأوكي .. لم تهتم لكلامه وسألته عن مكانه تحديدا... لم تفعل نملة شيء سوى انها وضعت قطعة مارشمللو كبيرة على فوهة البئر وتركتها حتى نشفت ولم تعد صالحة للأكل فغطى على إرسال الشبابيك السحرية وعاد عالم النمل كما كان وعاد النمل للعمل ...
قررت نملة العودة لعالم الناس فبعد ماحدث عرفت ان الاستسلام ليس من صفات النمل وكمان حست ان فيه حاجة ربطاها بالناس دول .. قالت من جواها انها ممكن تكون مش فاهمة الناس كويس وانهم ممكن يكونوا طيبين بس هي مش عارفة ازاي تتعامل معاهم عشان هي نملة وهم ناس .. ممكن تكون نملة اتعلمت كل حاجة عن الناس من الشباك السحري بتاعها إلا انها تتعامل معاهم .
سافرت نملة ,, ورجعت عالم الناس وهي ناوية من جواها انها تكون بشخصيتها وبطبيعتها المنملة :D
"اما نشوف ياست نملة هتعملي ايه المرة دي ;)"
Comments
Post a Comment